ليه اتعلم اللغة الألمانية

 

Picture  from pixabay.com

تم كتابة المقال بواسطة أ/ محمدهلال

من خلال تجربتي للسفر  للعديد من الدول و خصوصا الدول الأوربية وجدت أن من أهم اللغات فى العالم هى طبعا بلا شك اللغة الانجليزية كما نجد ايضا اللغة الألمانية تأخذ حيز كبير من بين الدول الاوروبية حيث  تعتبر ألمانيا من أكبر الدول المسيطرة على الصناعة فى أوروبا و لديها العديد من الشركات على مستوى العالم  و هذا يعنى كثرة انتشار ثقافة الألمان فى العديد من البلدان فنجد ان الدول المجاورة لألمانيا تتحدث اللغة الالمانية و خصوصا الحدود الملاصقة للأراضي الألمانية مثل " بولندا , التشيك , النمسا , سويسرا , فرنسا , بلجيكا , هولندا , الدنمارك "

دا بالاضافة الى الشركات الالمانية المتواجدة فى كندا و الولايات المتحد الامريكية .

و علشان كدا جمعتلك أكثر  15 سبب تخليك تتعلم اللغة الألمانية و تزود دخلك .

1-      الألمانى أغلى لغة فى مصر من حيث الراتب .

2-      زي ما حضراتكم عارفين ان الندرة هى السبب الل بيخلي رجال الاعمال تدفعلك مبالغ على شغلك فتخيل انك تكون مميز  عن الالاف الناس اللى بتتكلم انجليزى فتقدر تشتغل براتب محترم في اكبر الشركات العالمية زي فودافون و بوكينج .

3-      تقدر تشتغل في السفارات فى مجال الأمن أو مجال الارشفة وعلى حسب مستواك اللغوى بتقدر تتحصل على وظيفة كويسه وكل فترة السفارة الألمانية بتطلب موظفين .

4-      تقدر تشتغل في شركات الإستيراد والتصدير و تفتح أسواق ليهم فى ألمانيا و مش هأقولك بقى على نسبة العمولات من الصفقات من مرتب بس .

5-      تقدر تشتغل شغل خاص أون لاين و تزود دخلك مع شركات كتيرة في الوطن العربي بيطلبوا اللغة الألمانية كمترجم مثلا و الشغل دا اللى بينزل على مواقع  العمل الحر . مثل خمسات , مستقل Freelancer , Upwork

6-      تقدر تشتغل في شركات الشحن الدولي  و الخطوط الملاحية لأنهم بيحتاجوا  شخص بيتكلم كويس يفتح ليهم شغل مع شركات ألمانية .

7-      تقدر تشتغل في الكول سنتر أو خدمه العملاء فى شركات زى فودافون وبوكينج و ساثيرلاند.

8-      تقدر تقدم علي التدريب المهني " الاوسبيلدونج "  بعد اللغة وتسافر ألمانيا بدون وساطة للشركات.

9-      بعد ما تتعلم المانى و توصل للمستوى B1 تقدر تقدم علي فيزا بحث عن عمل  و مدتها 6 أشهر  و تسافر ألمانيا تدور علي عمل هناك .

10-  بعد ما تتعلم ألمانى تقدر تكمل دراستك في اللغة الألمانية و تشتغل كمان في وقت الدراسة و تضمن أقامة بعد دراستك و عمل مرموق .

11-  تقدر تشتغل مرشد سياحى فى أماكن سياحية داخل وخارج مصر و دى مش اقل من 10 الاف فى الشهر لو انت انسان شاطر وليك قبول.

12-  تقدر تشتغل كمحاضر للغة الالمانية سواء فى مدارس او حضاانات أو مراكز  تعليمية .

13-  تقدر تشتغل كمترجم للأوراق فى مكاتب الترجمه داخل وخارج مصر والمجال دا بيطلب عدد كبير جدا كل فترة دا غير عدد مكاتب الترجمة الكبير جدا على مستوى العالم اللى بيحتاج مترجمين اون لاين .

14-  تقدر تطلع مع رجال الاعمال كمترجم فورى فى المعارض الألمانية ومن هنا يبدء عقلك يفكر فى البزنس .

-15تعلم اللغات بيكسبك مهارات كتير و بيفتح لك فرص اكبر على مدار حياتك . و تذكر أن من عرف لغة قوم أمن مكرهم

#تعلم_المانى#تعليم_ألمانى#المانيا#ألمانيا#السفر_الى_المانيا#السفر_لألمانيا#أوروبا#العمل_فى_اوروبا#العمل_فى_المانيا#فرص_المانيا#ألمانيا#جوته#جوتة#goethe_institute#goethe