أزاى أجيب تذكرة سفر رخيصة

✈✈✈  أزاى أجيب تذكرة سفر  رخيصة

picture from pixabay.com

كتير من الناس بتحلم بفكرة السفر و لو حتى لمرة واحدة فى العمر و لكن السفر  زى اى حاجة جديدة انت بتمر بيها  و متخوف تاخد خطوة جدية فيها و أكيد دا بيكون ناتج لأن ثقافة السفر فى مجتمعاتنا مش منتشرة اوى زى الغرب  و كمان كثرة  الاجراءات و الاوراق المطلوبة لأصدار التأشيرة نفسها بيخليك تفكر ألف مرة قبل الأقدام على هذه الخطوة .

من خلال المقال دا هانعرف أزاى نجيب تذكرة سفر رخيصة مع العلم أن اسعار تذاكر السفر بتعتمد على عوامل معينة لابد من وضعها فى الحسبان عند أختيا رالبلد اللى تنوى  بزيارتها .

عوامل تتوقف عليها سعر التذكرة :

-         الوقت : لابد عن التخطيط  للسفر ان يكون حجز تذكر الطيران قبل السفر بمدة كافية اقل مدة شهر .

-         الموسم : لازم اعرف الموسم اللى انت ناوى تسافر فيه , من المؤكد ان معظم الناس تفضل السفر فى الاجازات السنوية و الاسبوعية و فصل الربيع و الاعياد و دا بيخلى تذاكر الطيران فى الفترة دى سعرها غالى.

-         نوع الطيران : هل هو شارتر و لا طيران منتظم و اى طراز هل هو بوينج و لا اير باص . شايفك مستتغرب من المسميات لا ابدا ابدا بكرة لما تسافر هاتعرف كل المسميات دى .

-         الوجهه : الوجهة اكيد بتفرق فى سعر الطيران فى الغالب و ليس شرط ممكن تسافر من مصر الى الامارات ب 4000 و ممكن تسافر برضة من مصر لليونان او تركيا بنفس المبلغ . لكن اللى عايز اوضحه ان هناك بيكون خصومات على وجهات معينة وساء الخصومات دي بتكون تشجيعية من الدولة نفسها او انها عروض من شركات الطيران .

-         المرونة : لابد ان يكون لديك جدول مرن فى الذهاب و العودة حتى تحصل على تذكرة سفر بارخص الاسعار.

و هناك عوامل اخرى و لكن تعتبر هذه العوامل من اكتر العوامل المؤثرة فى سعر التذكرة

سؤالنا دلوقتى أزاى أجيب تذكرة سفر رخيصة :

تسمع كتير من رواد السفر انه ممكن يسافر من مصر تحديدا اسكندرية الى ايطاليا و تحديدا روما بمبلغ 1500 جنيه اى ما يعادل 88 دولار تقريبا ذهاب و عوده .

تعالي بقي النهارده اعلمك تجيب انت التذاكر دي زي ما هوا بيجيبها من  موقع اسمهskyscanner

يعتبر الموقع دا من أفضل المواقع اللى ممكن تجيب منها تذكرة سفر  رخيصة  و سعرها مناسب بس الفكرة كلها ازاى تستخدم الموقع صح و تعرف التركات اللى فيه .

و زى ما حضراتكم عارفين ان تذاكر الطيران من اهم المصاريف فى رحلتك علشان كدا لازم تدور كتير لحد ما تلاقي التذكرة المناسبة لميزانيتك .

- هتفتح معايا   http://www.skyscanner.net

هاتظهرلك النافذة دى  

   أولا أنت ممكن تحدد من دولة لدولة مش بس مدينه او مطار معين بمعني ممكن تحط من مصر  ل الامارات مثلا

 - أهم جزئية متنساش تختار cheapest month ودي في حاله انك تقدر تاخد اجازتك في اي شهر " المرونة " اللى اتكلمنا عليها فى العوامل اللى فوق , طبعا مش هاقولك انك أصلا بتكون مجهز اوراق السفر " الفيزا , الباسبور , اى اجراء ممكن يتطلب منك "  علشان ما تحجزش تذكرة على الفاضى .

-  اختار ال Cheapest month   كما بالصور

خلينا نختار مثلا الوجه من مصر الى الامارات

- هتلاقيني حطيت من Egypt ل United Arab Emirates  واختارت ان يجيبلي ارخص شهر  زي ما في الصور تحت

هاندخل على الاختيار الاول Abu Dhabi

هايطلع النتائج اللى تخص كل يوم فى الشهر بالكامل و تفضل تعدل و تغير لحد ما توصل ليوم و سعر مناسبين و تحجز عليهم .

السؤال هل دي أرخص حاجه لا ممكن بشويه تدوير وتغيير للمدن زي ما علمتك فوق تجيب أرخص منها

طبعا في تذاكر كتير سعرها بيكون رخيص و فى الغالب بيكون الطيران الشارتر ( طيران غير منتظم وبيكون له شروط معينة نبقا نتكلم عليها بعدين )

و متقلقش بالخبره والتدوير الكتير  هتعرفهم وبكل بساطه ما عليك الا انك تدور علي جوجل علي اسم الشركه وتكتب كلمه شارتر وتشوف مكتوب هي شارتر ولا لا

بكدا تقدر تجيب تذاكر طيران رخيصه ومش فاضلك غير انك تقدم علي الفيزا وتسافر ✈✈ ✈✈✈✈ رحلة سعيدة

البوست ما هو الا مجرد توضيح لحجز تذكره سفر  ملوش علاقه باجراءات السفر لان دول كتير ما زالت متخوفة من تاشيرات الدخول للسياحية.